 الأربعاء سبتمبر 28, 2011 1:10 pm | المشاركة رقم: #1 |
| المعلومات | | الكاتب: | | اللقب: | المدير العام | الرتبه: | | | الصورة الرمزية | | | البيانات | | الجنس : |  | | عدد المساهمات : | 2224 | | تاريخ التسجيل : | 22/09/2011 | | العمر : | 39 |
| الإتصالات | | الحالة: | | | وسائل الإتصال: | |
|  موضوع: برنامجكم صباااااااااااااااااحك تهييس الأربعاء سبتمبر 28, 2011 1:10 pm
 برنامجكم صباااااااااااااااااحك تهييس برنامجكم صباااااااااااااااااحك تهييس
وإليكم النشرة الفنية
والمزيد من الحصريات
exclusives يعنى
على قناتكم المحبوبة
قناة البتنجان
_ 1_
تعلن شركة الفشل الفنى للإنتاج والتوزيع عن افتتاح فيلم
الموسم ( انقاذ كوباية ويسكى ) وتدور أحداثه عن
معاناة الشاب المصرى والعربى فى سبيل الحصول على
كوباية ويسكى غير مغشوشة ..والصراع الدائر بين
الشركات المصنعه وشركات بير السلم ...الفيلم من
تأليف المخرج الشاب ( عبده كوبايه ) ومستوحى من
تجربة شخصيه ...ومن بطوله نجوم الشباب ...الفنان
المتألق ( برعى السمكرى ) وهيقوم بدور البطوله معه
الفنانه المتألقة ( سنيه سرنجه ) ...فيلم سيعيد إلينا
أفلام الفن الجميل ..اوعوا الفيلم يفوتكم
_2_
قنبلة الموسم الفنانه ذات الجمال الخارق والجسد
الجميل و الشكل الفظيع و اكبر عدد عمليات
تجميل فى الشرق الأوسط .... الفنانه الصاروخ
فوفو ... صاحبه الأغنية الأكثر اشتهارا
فيها ايه لما ابقى مصاحبه
و ابقى كمان مخطوبه
ليه يجى جوزى و يزعل
بالذمه مش انا مظلومه
وعذرا مش هنقدر نكمل برده الأغنيه لأن
الرقابه حذفتها حرصا على حياء القارئ
وقد قررت الفنانه الصاروخ الجوى المنطلق فى
سماء الأغنيه العربيه عقد مؤتمر صحفى للرد
على هجوم الصحفيين عليها و خاصه بعد
ان قام بوليس الآداب بمهاجمة لوكيشن التصوير
بعد بلاغ من فاعل خير ... وتقول ( هعرف
اخد حقى كويس قوى ده انا
فوفو يا ..............) عفوا لقطع الارسال
وده برده حرصا على حياء القارئ العزيز
_3_
أعلنت الراقصة اللولبية ( توتى مايحكمش )
فى مؤتمر صحفى أن الاشاعات الأخيرة
اللى نشرها أعداء النجاح ومحبى تأليف الفضائح
عن كونها أجرت 50 عملية شد وش و70 عملية
تجميل أخرى بانها اشاعه غير صحيحه
وقالت ( ده كله طبيعى ياعنيا هيهيييييييييييييييي )
وردا على سؤال أحد الصحفيين
بأن شكلها لا يتناسب مع سيده عندها 80 سنه
قالت
( اعمل ايه كل ما بكبر باحلى على رأى سى
كاظم)
_4_
الكليب الفائز بأحسن تصوير على مدار ربع
قرن ..... واللى بيتميز بالفكره الحديثة و
المبتكره و هو بعنوان ( لفلى سيجاره يا معلم
او سلفنى حقنه ) للمطرب الشاب الذى ينبـأ
بمستقبل باهر فى الفن ... المطرب عبده
سكلانس ... وتدور احداث الكليب عن
كيفيه اعداد وتجهيز سيجاره الحشيش و اعطاء
حقن الهيروين وذلك فى محاوله للابقاء على هذا
التراث بعد انتشار موضه ادمان غاز
الفريون .... وتم تكريم الفنان الموهوب من قبل
جمعيه ... ( الحشيش .. الحشيش ... من غيره
محدش هيعيش) ونال منها جائزه تقديريه على
مجهوداته الفظيعه
_5_
اعلن مطرب مصر الأول ..
الفنان المبدع عماد بعرور
تضامنه مع روبى ونجلا وهيفا فى اعتراضهم على تفشى
موجه العرى والابتذال
وقرر الفنانين السابق ذكرهم الاتصال بغيرهم من الفنانين
العمالقه مثل دانا وجاد شويرى و غيرهم للقيام بأوبريت
جماعى للعوده للفن الجميل
وفى آخر تصريحات الفنان عماد قال ( الله يرحم أيام
العنب ...ده كان هو اللى ملبسنا ..هو اللى مدلعنا )
_ 6 _
تكريم مواطن مصرى و حصوله على جائزه
قدرها 3 مليون جنيه وذلك لاحتفاظه بمكتبه
كامله تحتوى على اغانى المطرب القدير ... و
فارس العصر الجميل الأسطورة ... الفنان ريكو
_ 7 _
القبض على مواطن يعزف موسيقى هادئه ...وقد قامت
نقابة الموسيقيين بإتهامه بمحاولة افساد الذوق العام
وطالبت بسحب ترخيص مزاولة المهنة
_8_
الكليب الحائز على شهادة الدوله التقديرية فى التميز
هو كليب الفنانة ( فرفوره قوى )
حيث أنه أول كليب يتم تصويره بأكمله فى احدى
المصحات العقليه واكد الطبيب المعالج للفنانة أن تصوير
الكليب خطوه مهمه فى علاجها من ادمان شم صوابع
رجليها ......
ــــــــــــــــــــــــــــــــــــــ***ـــــــــ ــــــــــــــــــــــــــــــــ
وننتقل الى الساحة السياسية
_ 1 _
مظاهرات تجتاح عواصم العالم للزيادة المفاجئة فى اسعار
الحشيش والتى أتت بعد فتره من احتكاره بواسطه احدى
الشركات العملاقة ...وكانت الهتافات تتردد فى
الشوارع ( ادونا حشيش علشان نعرف نعيش )
وكان رد فعل مجلس الحشيش الدولى هو الصمت ولم
يصدر من أى مصدر مسئول أى رد فعل حتى الآن
_ 2 _
أمريكا تتهم جزر الوواك واك بمحاولة نشر الإرهاب على
جزر الكيكى كيكى القريبة عن طريق إرسالهم العصافير
والطيور لازعاج السكان كل يوم صباحا وتشغيلهم
للاغانى بصوت عالى وقال المتحدث الرسمى لوزاره
الخارجيه أن هذا نوع من الارهاب الفكرى الذى لا
تسمح أمريكا بحدوثه ...
وهددت بالتدخل النووى فى حالة عدم التوقف ..
وأكد أن الزعيم بن لادن هو اللى مقويهم بتوع الوواك
واك دول
وأنه يقوم بتصدير العصافير عن طريق وسائل سرية
_ 3 _
يبحث مجلس الشعب قرار إنشاء وزارة تحصيل للسرقات
وذلك لكى تستطيع الحكومه فرض ضريبه سرقه على
اللصوص وأصحاب السوابق والموظفين المرتشين
وأهو كله فى الصالح العام ولمصلحة البلد
_ 4 _
تعلن سويسرا عن فتح أبواب الهجرة لأى جنسيه لأن
نسبة 70 % من السكان انتحروا و ال 30 %
اللى باقيين محتاجين حد يزهقم و يشغلهم بدل ما ينتحروا
والمواصفات الواجب توافرها هى :
* أى سن و أى مؤهل مش فارقه
* بتاع مشاكل وبلطجى ( الحكومه محتاجه شغب )
* يتخانقوا يوميا مع جيرانهم من سكان البلد
* لا مانع من استخدام العنف
_ 5 _
رئيس ايران يطلق الصواريخ النووية احتفالا
بزفاف نجله الأكبر
_ 6 _
القاء القبض على عربى مبتسم و الشبهات
تدور حول دوافع ابتسامته فيما صرح مصدر
أمنى سميك المستوى أن الابتسامه مدفوعه من
جهات أجنبية معادية للحكم العربى
_ 7 _
سيادة الرئيس هيثم جمال مبارك أدلى تصريحا
أمس يؤكد فيه أنه لا ينوى اعاده الترشح
لمنصب رئاسة الجمهورية و يشدد على أنه لا
يوجد توريث فى الحكم
_ 8 _
مسابقة الموسم .... اكتب 5 فروق تقدر
تفرق بيهم بين الفراخ الحقيقيه و الفيران البيضا
المسلوقه والمحمرة .... مكتشف اللغز هيتم
تكريمه بواسطه جمعيه دعونا نترك الفئران و
نعود للفرخ.... و الجائزه عباره عن 500
كتكوت خد ربيهم وبالهنا والشفا
________________________________________
أما عن آخر الأخبار المحلية
_ 1 _
انتحار وزير التربية والتعليم
بعد أن فشل فى حل ولا امتحان من امتحانات الثانوية
العامة
وأكد بعض المقربين أنه قبل انتحاره اصيب بأكتئاب حاد
وكان يردد ( أنا ضيعت العيال ..أنا ضيعت العيال )
_ 2 _
تسمم وزير الزراعة بعد أن تم دس فى وجبه الغذاء بعض
الخضار المسرطن اللى محدش يعرف اى حاجه عن كيفية
دخوله البلد
_ 3 _
وفاة مريضة فى احدى المستشفيات الحكومية
حيت أن الطبيب قد نسى فوطه ومقص فى بطن المريضه
وكان تعليق وزاره الصحه انه الحمد لله منساش الممرضه
كمان
_ 4 _
مظاهرات تجتاح الشارع المصرى لارتفاع سعر رغيف
العيش من 5 جنيه ل 6 جنيه
_ 5 _
قرر اتحاد محافظات الصعيد انشاء سور فاصل بينهم وبين
الوجه القبلى لمكافحه موجه الحر والغلاء ..
وقال المسئول عن المجلس أنهم يفكرون بعرض طلب
للاستقلال الرسمى والاعتراف بهم كدولة مستقلة
|
| |  |
برنامجكم صباااااااااااااااااحك تهييس 
تصميم وبرمجة الطائر الحر لخدمات الدعم الفني