المنتديات العامة

**GeNeRaL** · الإثنين فبراير 27, 2012 4:59 pm

علشان تكون روحك جميله :-
***********************
1-متستغنيش عند الطلب عن كلمتين( من فضلك وبعد اذنك) لما تطلبى من حد حاجة.
2-واوعى تنسى شكرا سواء رد بذوق أو لا صدقينى هتحرجى اللى قدامك بأدبك.
3-سامحى عشان تحسى انك احسن.
4-خلى صوتك دايما واطى بالذات مع الأكبر منك بالذات باباكى ومامتك وخطيبك أو جوزك إوعى هيضيع جمالك.
5-خليكى رقيقة بس متصنعيش الرقة يعنى لو انتى قاسية وحادة فى معاملتك حاولى تمسكى نفسك عند الغضب قال الله تعالى فى كتابه الكريم 000(والكاظمين الغيظ والعافين عن الناس والله يحب المحسنين ] اللهم اجعلنا من[ الكاظمين الغيظ] والاحسن( العافين عن الناس)
6- الكلمة الطيبة والابتسامة البريئة الصادقة هتخلى أرق انسانة.
7-خليكى بارة بوالديك مهما عملوا اوعى تعنفيهم احنا ماشيين ببركتهم وكمان جوزك عشان ربنا يرضنا عننا.
8-
النميمة والغيبة يا بنات ابعدوا عن البنات اللى بيكثروا من النميمة
والغيبة صدقينى بتشيلى ذنوب كتير وهتتعودى منهم على كده ولو حد نم قدامك
مترديش.
9-فى أوقات كتير لازم نسكت فى مقولة جميلة أوى قريتها (قلة الكلام تصون اللسان وقلة الاهتمام تصنع الجفاء).
قال الله تعالى:يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْوَأَرْجُلُهُم بِمَا كَانُوا
يَعْمَلُونَ.
10- ذكر
ربنا وانتى فى المواصلات مش عارفة تعملى ايه مع صحبتك مفيش كلام إلا لو
هتجيبى فى سيرة فلانة اقرأى اذكار الصبا والمساء ، صلى على الرسول (ص) كتير
، استغفرى ربك ده احنا بنغلط كتير يمكن نمحى جزء كبير نلاقيه فى النهاية.
11- حاولى
تطهرى قلبك من الحقد والحسد والغيرة واكثرى من الحمد لله انتى احسن من
غيرك متبصيش لواحدة جميلة وتقولى يا خسارة كل امرأة ولها جمالها.
12- خليكى
ذو ارادة قوية حبيتى واحدة صاحبتك أوى أو ارتبطى بشخص ميستاهلش اقفى مع
نفسك وقولى لا مش هعرفهم تانى عشان الأفضل مستنيكى مش نهاية العالم.
13- ادرسى
، اشتغلى ، حتى وانتى قاعدة فى البيت خليلك هواية تعمليها حتى لو معندكيش
اوعى تنسى تساعدى مامتك وحماتك هتسالى عن صحتك وأوقات فراغك.
14- اوعى تغلطى فى جوزك أو أهلك مع حد فى بنات كتير بسمعهم بيغلطوا ولا قدامه صدقينى هتكبرى فى نظر نفسك وفى نظر الناس.
15- عاملى الاساءة بالأخلاق الكويسة حد عملك وحش عملى كويس متعدلش ابعدى لكن متغلطيش سيبى الناس تفتكرلك الخير ومتطلعيش نفسك غلطانة.
16- اوعى
تهملى نفسك من الخارج زى مزوقتيها من الداخل زوقيها من الخارج فى حدود
المعقول لو خارج البيت واوعى التبرج اعملى كل اللى نفسك فيه فى بيتك.
17- لازم يبقى ليكى قدوة واوعى تقولى نفسى ابقى زى ممثلة ولا مطربة الناس اللى متعرفيش عنهم حاجة خلى قدوتك فى الأخلاق.

الموضوع الأصلي : جمال الروح // المصدر :مزيكا تو داي|افلام عربي|افلام اجنبي|العاب|برامج // الكاتب: GeNeRaL

المنتديات العامة

المنتدي الإسلامي العام